إلى متى والهم ينحت بلأعماق

أكذب عليك ان قلت مانـي بمشتـاق...
واكذب عليك ان قلـت حبـك نسيتـه*
خل الكلام اللي طعن صمت الاوراق...
يحكي لك اللي مـا نطقـت وحكيتـه*
ناظر عيوني شوف تاثير الاشـواق...
شوف الفرح وشلـون بعـدك جفيتـه*
كتفي يشيل من الزمن فوق ما طـاق...
والضيق يرضابـي وانـا مارضيتـه*
الى متى وانا انتظر لحظه اشـراق...
الى متـى والحـزن هالقلـب بيتـه*
الى متى والهـم ينحـت بالاعمـاق...
واسقيـه مـن فراقـك دمـع بكيتـه*
ياصاحبي شف خاطري ما بعد راق...
بنفس الطريق اللي انتهـى وابتديتـه*
ضاق الزمان وكل شي بعدك ضـاق...
حتى القصيد اللي بصـدري احتويتـه*
عمر الشعر ما ضيق صدور الاوراق...
الضيـق ضيقـي لاكتبـت وقريتـه*
تعبت اجمع ما بقالي مـن اشـوااق...
واقـول ليـت الوقـت يفهـم ياليتـه*
ياقو قلبك وانت محرقنـي احـراق...
ارفق بحـال اللـي ذكـرك ونسيتـه*
تدري عزاي ان حدك القلب تشتـاق...
دور عـلـي بـكـل درب مشيـتـه*
يمكن تلاقي درب بـدروب الفـراق...
يجـوز ربـي كاتـبـه واهتديـتـه*
ومدام ربي في يده قسمـت الارزاق ...
انـا اقتنعـت بمـا كتبـه ورضيتـه*